Comezan as obras de cambio de luminarias en iluminación pública en zona rural de Osmo
O Concello de Cenlle iniciou as obras de cambio de luminaria en iluminación pública no pobo de Osmo. O investimento, coa axuda dunha subvención de AGADER (Axencia Galega de Desenvolvemento Rural), ronda os 31.000 € nunha actuación a prol do aforro enerxético. Substituiranse un total de 33 luminarias ubicadas en apoios existentes e se ampliarán 5 puntos máis na rede existente.
