OMIX
Que é?
É o Servizo de Xuventude do Concello de Cenlle. Encárgase de organizar e promover os programas e campañas orientados á poboación xuvenil do municipio, de entre 12 e 35 anos.
Depende da estrutura da Rede Galega de Información Xuvenil, que a súa vez subordínase da Vicepresidencia da Xunta de Galicia.
Que servizos ofrece?
- Orientación e asesoramento. Acompañamento e resolución de dúbidas laborais, profesionais ou académicas.
- Trámite do Carné Xove. Todas as persoas entre 12 e 30 anos poden solicitar o carné ou renovalo nas Oficinas do OMIX, sen ter que desprazarse á cidade de Ourense.
- Programación e xestión de actividades. Neste servizo organízanse e promociónanse actividades destinadas á xuventude do Concello, como concertos, festivais e conferencias, entre outras.
- Información de carácter xeral. A xuventude do Concello pode acudir ao OMIX para obter información sobre convocatorias, cursos, premios, voluntariado…
- Documentación e préstamos. A mocidade pode acudir ao OMIX a consultar e solicitar documentación relacionada con xuventude.